Reg: 2019/390553/07

gallery/images
Nuus

09/08/2019

 

Die Suid-Afrikaanse legendes museum het vandag Nasionale Vrouedag gevier met onse Mimi. Bekende pianis, Martin Lance het ons koningin van die nag bederf met verversings, spesiale blomme, heerlike kuier en samesyn.

 

Die kuier word afgesluit deur immergroen melodieë deur Martin Lane op die pragtige Steinway & Sons Weense klavier. Mimi het 'n traan weggepik.

gallery/20190809131000

13/08/2019

 

Die Suid-Afrikaanse legendes museum het vandag die voorreg gehad om aan huis te kuier by een van ons grootste legendes, die nimlike Min Shaw.

 

Hier oorhandig Min van haar toekennings wat sy aan die museum geskenk het vir uitstalling.

 

Haar ATKV oorkonde, 58 plaat toekenning van 1966-1996 asook van haar SARIE's sal in die museum te siene wees. Sy bly na al die jare 'n nooi soos Min!

gallery/20190813164414
gallery/20190813164933
gallery/20190809131331

15/08/2019

 

Die Suid-Afrikaanse legendes museum het vandag die voorreg gehad om by die sangeres Cora Marie se broer en skoonsuster te kuier.

 

Dit was 'n dag gevul met nostalgie. Bobby en Hanlie het groothartig van Cora Marie se goue plaat toekennings asook van haar verhoogklere, juwele en 'n paar van haar Country stewels geskenk.

 

Die klere wat sy op die musiekvideo van "Mamma Leonie" gedra het sal ook in die museum te siene wees. Daar was maar net een Cora Marie!

gallery/20190815_124604
gallery/20190818_132304

20/08/2019

 

Die Suid Afrikaanse Legendes Museum het vandag die voorreg gehad om aan huis by een van die top 10 legendes van alle tye te kuier. Manuel Escorcio. Manuel het openhartig twee van sy goue plaat toekennings aan die museum geskenk.

 

Die eerste is sy tweede goue plaat toekenning wat hy ontvang het vir sy album "Romance" vir verkope van meer as 20 000 eenhede. Die tweede goue plaat is ook baie spesiaal. Dis die eerste goue plaat wat Manuel en sy sangmaat, wyle Janita Claassen ontvang het vir hul eerste album as duo: "Liefde Immergroen" waarvan daar ook meer as 20 000 eksemplare van verkoop is. Beide hierdie spesiale goue plaat toekennings sal in die museum te siene wees saam met van Manuel se ander toekennings, plate, fotos ens.

 

Een van sy pragtige verhooguitrustings vanuit Amerika sal ook uitgestal word, asook 'n paar ander verrassings. Vandag het ons die man agter die kunstenaar beter leer ken en hy het vir ons gesing. Manuel is sowaar 'n baie spesiale Suid-Afrikaner en lewende legende!

 

gallery/20190820_163924

06/09/2019

 

Die Suid Afrikaanse Legendes Museum het vandag aanhuis gekuier by die dogter van die legendariese akteur, Siegfried Mynhardt.

gallery/69652885_2377253569215062_581800436034437120_n

10/09/2019

 

Opregte mense is skaars in die tye waarin ons lewe. Vanmiddag het ons die voorreg gehad om by 'n baie spesiale en opregte mens te kuier. Willem Willemse was die sangeres Cora Marie se beste vriend.

 

Willem het met 'n oop hart al sy Cora Marie gedenkwaardighede geskenk vir uitstalling in die Suid Afrikaanse Legendes Museum. Daar is baie skatte in hierdie skenking. Al die items het persoonlik aan Cora Marie behoort en het in haar huis gehang. Blok fotos, geraamde fotos, twee van haar stetson hoedens met haar naam in wat sy in Amerika laat maak het.

 

Persoonlike fotos uit haar kinderjare en vir ons die mees spesiale item: Cora se oorspronklike 1ste persoonlike plakboek. Liewe Willem, ons weet nie hoe om vir jou dankie te sê nie.

 

Dankie vir jou onbaatsugtigheid om al hierdie items te skenk. Nou kan Cora se gedenkwaardighede met die wêreld gedeel word.

gallery/70804854_126786402009701_3142747855337291776_n

16/09/2019

 

Die Suid Afrikaanse Legendes Museum het vandag die legendariese sangeres, Virginia Lee se SARI toekenning ontvang al die pad vanaf Kanada. Haar enigste kind, Peggy het dit aan die museum geskenk. Thank you so much Peggy!

gallery/70353192_129130391775302_5119080685839056896_n

18/09/2019

 

Die Suid Afrikaanse Legendes Museum het vandag aan huis gekuier by een van die grootste legendes van Suid-Afrika, Lance James.

 

Lance het twee stetson hoede wat hy reg oor die wêreld gedra het, 2 "bolo ties" vanaf Nashville, 'n paar van sy "Country" stewels, 'n hemp en 'n pak klere aan die museum geskenk. Ons is baie trots om hierdie legende in te huldig."Keep it Country"!

gallery/71330795_129713508383657_7910320673845673984_n

26/09/2019

 

Die Suid Afrikaanse legendes museum het vandag die voorreg gehad om aan huis te kuier in die huis waar Esmé gebly het. Haar twee seuns, Raul en Fernando het 'n oorspronklike skildery wat in 1984 van Esmé geskilder is geskenk aan die museum asook die stêr van Suid Afrika wat in 1982 aan Esmé deur die staatspresident aan haar oorhandig was. Dit was destyds die hoogste eer wat aan 'n Suid-Afrikaner toegeken kan word.

 

Esmé word dus die eerste Radio persoonlikheid wat as legende ingehuldig gaan word.

gallery/71169397_132514838103524_5224598604848562176_n

27/09/2019

 

Die Suid Afrikaanse legendes museum het vandag die voorreg gehad om aan huis te kuier by die bekendste gesig in Suid-Afrika.

Baie dankie Riaan en Riana vir 'n heerlike kuier.

gallery/71673399_132820511406290_693669078371401728_n

28/09/2019

 

Die Suid Afrikaanse legendes museum het vandag die voorreg gehad om aan huis te kuier by Al se vrou, Ansa Debbo.

 

Dankie Ansa vir 'n heerlike kuier.

Ansa en haar seuns het 'n hele paar van Al se gedenkwaardighede geskenk aan die museum.

Ons bring hulde aan Al vir sy bydrae tot Afrikaanse musiek, Afrikaanse rolprente en vermaak.

gallery/71103394_133375564684118_182441350216548352_n
gallery/70995277_133375521350789_2681578117046206464_n
gallery/70793393_132820641406277_2105759123051118592_o
gallery/405875959

05/10/2019

 

Die Suid-Afrikaanse legendes museum het vandag die voorreg gehad om aan huis te kuier by Leonore se suster, die alombekende aktrise en sopraan, Barbara Veenemans en haar dogter Michelle Veenemans wat groothartig een van Leonore Veenemans se persoonlike uitrustings geskenk het, asook 'n reklame blokfoto vir haar deelname in "Madame Butterfly" asook 'n groot geraamde foto van Leonore Veenemans.

 

Dankie liewe Barbara en Michelle.

gallery/72430562_135857141102627_6754236922257735680_n

05/10/2019

 

Die Suid-Afrikaanse legendes museum het vandag heerlik aan huis gekuier by Barbara en Michelle en ons was bederf met 'n heerlike "high tea". Baie dankie liewe Barbara en Michelle vir 'n heerlike kuier.

Barbara en Michelle het een van Barbara se verhoog uitrustings en 'n oorspronklike skildery van Barbara Veenemans aan die museum geskenk.

 

Hierdie gedenkwaardighede asook ander sal in die museum uitgestal word.

Ons salueer 'n lewende musieklegende: Barbara Veenemans

gallery/72450698_135871447767863_6346502950860357632_n
gallery/72302155_135871437767864_4393286192691412992_n

11/10/2019

 

Die Suid Afrikaanse legendes museum se kreatiewe span het vandag aan huis by Brumilda gaan kuier waar sy 'n pragtige skildery van haarself aan die museum geskenk het asook 'n asemrowende rok.

 

Brumilda het vandag ook geskiedenis gemaak deur die eerste legende van die museum te wees van wie daar 'n 3D afdruk vandag gemaak is.

 

Brumilda van Rensburg- stylvol, mooi en een van ons land se beste aktrises. Ons salueer jou B!

gallery/71941034_139068264114848_2379642800900669440_n
gallery/72560570_139068384114836_3493678247135150080_n
gallery/72345838_139068334114841_3612833194115596288_n

18/10/2019

 

Die Suid Afrikaanse Legendes Museum het vandag die voorreg gehad om 'n 3D afdruk van die legendariese Barbara Veenemans te kon maak vir haar borsbeeld wat in die museum te siene sal wees.

 

Dankie aan Barbara, Michelle en die SA Legendes museum span vir die heerlike saamwerk. Dit was sowaar 'n span poging.

gallery/72727819_141914890496852_4876897306902790144_n
gallery/72688857_141914863830188_2639725022251319296_n

18/10/2019

 

Die Suid Afrikaanse Legendes museum het vandag die voorreg gehad om 'n 3D afdruk van Min Shaw te kon maak vir haar borsbeeld wat in die museum te siene sal wees.

 

Alles was afgehandel by een van ons ander ingehuldigde legendes-Barbara Veenemans se huis. Dankie Barbara en Min en die res van ons span.

gallery/72707342_141916427163365_7257167817273769984_n
gallery/72741628_141916417163366_875346336726122496_n

30/10/2019

 

Dis vir die Suid Afrikaanse legendes museum 'n verskriklike groot eer om aan te kondig dat die legendariese sangeres, Glenys Lynne en haar man Clive Harding (die stigterslid van die legendariese popgroep, 'Four Jacks and a Jill" ) ingehuldig gaan word in die Suid-Afrikaanse legendes museum. Hierdie twee ikone het saam met die groep 'Four Jacks and a Jill' musiekgeskiedenis gemaak deur die heel eerste SA musikante te word aan wie 'n dubbelgoud plate toekenning oorhandig was.

 

 Die museum se verteenwoordiger het die voorreg gehad om twee keer aan huis by hulle te kon kuier.

gallery/fourjacks
gallery/fourjacks2

31/10/2019

 

Die SA legendes museum was vandag vir middagete genooi by Mimi Coertse en haar dogter Mia. Mimi het hierdie pragtige balrok wat sy in Egoli gedra het geskenk aan die museum asook verskeie toekennings. Sy bly "Ons eie Mimi" en een van die drie grootste legendes van die laaste eeu.

gallery/mimi2
gallery/mimi coertse balrok skenking aan sa legendes

04/11/2019

 

Die Suid Afrikaanse legendes museum het vandag die voorreg gehad om aan huis te kuier by die legendariese sanger, akteur, liedjieskrywer en radio & TV aanbieder, Gert van Tonder. Gert se toekennings(insluitend die SARI toekenning wat Groep Twee in 1975 gewen het asook die Internasionale Midem toekenning wat hy en Sias in 1966 oorsee ontvang het, asook van sy verhoogklere sal te siene wees in die museum. Dankie Gert, jy is 'n lewendige legende!

gallery/gert
gallery/gertlegendesmuseum 03102019

08/11/2019

 

Die Suid-Afrikaanse legendes museum is baie trots om aan te kondig dat die legendariese Des & Dawn Lindberg ook ingehuldig gaan word as legendes in die museum.

 

Ons het vandag die voorreg gehad om aan huis by hulle te kon kuier en verskeie albums, programme, plakkate en verhoog kostuums is aan die museum geskenk vir uitstalling.

 

Baie dankie Des & Dawn!

gallery/74187362_148714709816870_9069121232766500864_n
gallery/72691667_148714819816859_8901096365480738816_n

14/11/2019

 

Die Suid -Afrikaanse legendes museum het vandag die voorreg gehad om aan huis te kuier by nog een van Suid-Afrika se legendes. Die legendariese aktrise, TV-aanbieder, sangeres, draaiboek skrywer en stemkunstenaar, Magda van Biljon.

gallery/75262123_150699552951719_8539863760184016896_n
gallery/78102577_150699592951715_1035234547383402496_n

15/11/2019

 

Die Suid-Afrikaanse legendes museum is baie trots om aan te kondig dat die legendariese Suid-Afrikaanse akteur, grapmaker, vervaardiger en aanbieder, wyle Zack du Plessis ook ingehuldig gaan word as legende in die Suid-Afrikaanse legendes museum.

gallery/77053886_150918869596454_2131377902892089344_n
gallery/76747415_150918872929787_4532523015178551296_n

20/11/2019

 

Die Suid-Afrikaanse legendes museum is baie trots om aan te kondig dat die legendariese sangeres en aktrise, Amanda Strydom ingehuldig gaan word in die museum.

 

Ons het vandag die voorreg gehad om aan huis by Amanda te kon kuier waar ons beeldhou kunstenaar die 3D skandering van haar gesig ook afgehandel het. Dit is vir die borsbeeld wat ons van Amanda gaan maak.

gallery/75625503_152591869429154_7105167099307229184_o
gallery/72479516_152592452762429_9024565233447862272_o

27/11/2019

 

Die Suid-Afrikaanse legendes museum se span het vandag weer by Gert van Tonder gaan kuier. Die keer om die 3D afdruk te neem vir sy borsbeeld.

gallery/79093223_154954062526268_3554472487007813632_n
gallery/78337402_154954095859598_3583886441685450752_n

27/11/2019

 

Die Suid-Afrikaanse legendes museum glo dat ons ook erkenning moet gee aan die mense wat agter die skerms gewerk het. Ons is dus baie trots om aan te kondig dat Tinus Esterhuizen ingehuldig gaan word in die museum.

gallery/78602632_154960792525595_5043127659542872064_n
gallery/75569674_154960855858922_6938357724946104320_n

27/11/2019

 

Die Suid-Afrikaanse legendes museum is baie trots om aan te kondig dat die legendariese Afrikaanse sangeres, Anneli van Rooyen ingehuldig gaan word as legende.

 

Anneli en haar assistent, Elouna het vandag vir ons kom kuier om die 3D afdruk vir haar borsbeeld af te handel.

gallery/78095371_154984375856570_8337636573671587840_n
gallery/76983693_154984032523271_7678606393657524224_n

28/11/2019

 

Die Suid Afrikaanse Legendes Museum het vandag die voorreg gehad om weer aan huis te kuier by die legendariese Lance James. Ons het Lance se 3D afdruk geneem vir sy borsbeeld. Dankie aan ons wonderlike span- Clyde, Nico en Laurie en aan Lance en Eunice vir julle gasvryheid!

gallery/77384532_155171292504545_6589015719428489216_n
gallery/74211344_155171235837884_7842417979630288896_n

02/12/2019

 

Die Suid-Afrikaanse legendes museum se span het vandag die 3D afdruk gaan neem van die legendariese, Magda van Biljon. Dankie liewe Magda vir die heerlike kuier 

gallery/78351863_156501605704847_870001864106573824_n
gallery/79091181_156501632371511_2897285977540132864_n

02/12/2019

 

Die Suid-Afrikaanse legendes museum is baie trots om aan te kondig dat die legendariese Suid-Afrikaanse TV-aanbieder, regisseur, sanger en liedjieskrywer, Johan Stemmet ingehuldig gaan word as legende in die museum.

 

Ons het vandag die voorreg gehad om vandag by Johan te gaan kuier en die 3D afdruk vir sy borsbeeld te neem.

gallery/77343061_156508842370790_640564925902618624_n
gallery/78392212_156508805704127_2594388932317675520_n

04/12/2019

 

Die museum se span het die voorreg gehad om vandag aan huis te kuier by die legendariese Glenys Lynn en Clive Harding (Four Jacks and a Jill). Nico het hul 3D skandering afgehandel vir hul borsbeelde. Dankie liewe Glenys en Clive en die res van ons span.

gallery/78471459_157092632312411_3460735727715745792_n
gallery/78174407_157092608979080_4837356154348634112_n

06/12/2019

 

Die Suid-Afrikaanse legendes museum het vandag die groot voorreg gehad om te gaan kuier by een van Suid-Afrika se bekendste stemme. David Gresham - Sanger, platebaas en radio & TV-aanbieder.

gallery/78655644_157734962248178_6482510958668283904_n
gallery/78712400_157735185581489_335041941970354176_n

10/12/2019

 

Die Suid-Afrikaanse legendes museum se span het vandag Kaap toe gevlieg en by 'n paar van Suid-Afrika se teater en kabaret legendes gaan kuier.

Een van Suid Afrika se teater en kabaret legendes is Alvon Collison. Johan Stemmet verwys na hom as "Mr Showbiz".

 

Ons het vandag by hierdie lewende legende gaan kuier waar ons die 3D afdruk van sy borsbeeld afgehandel het. Hy het ook die kostuum wat hy as "Pharaoh" gedra het aan die museum geskenk.

gallery/79189688_159068008781540_4739593275533426688_n
gallery/79022509_159067988781542_4700221675403214848_n

10/12/2019

 

Die Suid-Afrikaanse legendes museum het vandag in die Kaap gaan kuier vir die legendariese aktrise, Annelisa Weiland.

 

Annelisa het haar Artes en Tempo toekennings aan die museum geskenk asook ander gedenkwaardighede.

Sy is 'n ware ikoon!

gallery/78925142_159070502114624_3746258135577264128_o
gallery/79633624_159070395447968_7662891503458451456_n

11/12/2019

 

Die Suid-Afrikaanse legendes museum het vandag die voorreg gehad om by nog 'n kabaret en teater legende te gaan kuier wat deesdae in Muizenberg in die Kaap woon. Die formidabele aktrise, Natalia Da Rocha.

 

Ons is trots om aan te kondig dat Natalia da Rocha ook ingehuldig gaan word as legende in die SA legendes museum.

gallery/78729742_159386838749657_9011353123771383808_o
gallery/79772037_159386762082998_5710578183070285824_o

11/12/2019

Ons het vandag ons Kaapse kuier afgesluit deur te gaan kuier by een van Suid-Afrika se grootste teater en kabaret Divas- die legendariese Judy Page.

 

Ons is baie trots om aan te kondig dat Judy Page ook ingehuldig gaan word as legende in die museum.

Verskeie van haar gedenkwaardighede sal in die museum uitgestal word asook een van haar gewildste teater uitrustings.

gallery/78916532_159393995415608_4417335153395761152_o
gallery/79369518_159393662082308_9012820349024206848_n

12/12/2019

 

Die Suid-Afrikaanse legendes museum vereer ook legendes wat agter die skerms gewerk het.

 

Iemand wat diep spore in die musiekbedryf getrap het is die legendariese Lydia Winchester.

 

Die Suid-Afrikaanse legendes museum het vandag die voorreg gehad om aan huis te kon kuier by Lydia Winchester. Tydens die kuier het ons 'n 3D afdruk van Lydia geneem vir die maak van haar borsbeeld wat in die museum onthul sal word. 

gallery/79754202_159682442053430_5573016887454859264_o
gallery/78991615_159682982053376_7049883972490231808_o

14/12/2019

 

Die Suid-Afrikaanse legendes museum is baie trots om aan te kondig dat Richard Loring ook ingehuldig gaan word as legende.

 

Die span het vandag by hom gaan kuier en sy 3D afdruk afgehandel vir die maak van sy borsbeeld.

gallery/78998452_160275265327481_2004121423525707776_n
gallery/80678618_160275391994135_9218309816601018368_o

16/12/2019

 

Die Suid Afrikaanse legendes museum het vandag Manuel Escorcio se 70ste verjaardagpartytjie bygewoon. Talle bekendes soos Manie Jackson, Pierre van der Westhuizen, Kobus Rudolph,Mara van der Bergh en vele ander vriende was daar. Dankie aan Wilma en Clyde vir al die reëlings.

gallery/79665051_160953085259699_3326240257065615360_o
gallery/79312921_160952588593082_8797231948750651392_n

17/12/2019

 

Radio & musiek legende en een van die legendes van die Suid Afrikaanse legendes museum, Tinus Esterhuizen het vandag waardevolle radio gedenkwaardighede uit die Springbok radio en Afrikaanse stereo dae aan die museum oorhandig.

 

Ons is daarna genooi om in te luister na sy program op Pretoria FM waar hy toe met MD Greyling oor die museum gepraat het. Dankie Tinus!

gallery/79361983_161151931906481_5494090455299653632_o
gallery/79266555_161151948573146_3109308554230628352_o

17/12/2019

 

Die Suid-Afrikaanse legendes museum is baie trots om aan te kondig dat die legendariese sangeres, Maritza ingehuldig gaan word as legende in die museum.

 

Die span het vandag die voorreg gehad om aan huis by Maritza te gaan kuier waar ons die 3D afdruk vir haar borsbeeld afgehandel het.

gallery/80127566_161157298572611_8135540125963649024_n
gallery/79645734_161182498570091_7822224263175208960_o

18/12/2019

Die span het vanoggend vir die derde keer aan huis gekuier by Suid-Afrika se regte diva-Dr. Mimi Coertse. Die keer was dit om haar 3D afdruk af te handel vir haar borsbeeld.

 

Dankie Mimi en Lizet vir die heerlike ontvang.

gallery/79173924_161463218542019_8436644542031069184_o
gallery/79358123_161463165208691_7853473453083459584_n

21/12/2019

 

Die Suid-Afrikaanse legendes museum het vandag aan huis gekuier by die legendariese aktrise, Lizz Meiring.

 

Ons is baie trots om aan te kondig dat hierdie finominale dame as legende ingehuldig gaan word in die Suid-Afrikaanse legendes museum.

gallery/80086828_163011808387160_1239625014433546240_o
gallery/80016486_162378235117184_2704408939126063104_n

23/12/2019

 

Die Suid Afrikaanse legendes museum is baie trots om aan te kondig dat die Afrikaanse musikant, musiekregisseur, vervaardiger en verwerker, Boet Pretorius ingehuldig gaan word as legende in die museum.

 

Die span het vandag saam met hom gaan koffie drink en sy 3D afdruk vir sy borsbeeld afgehandel.

gallery/79821271_162907798397561_4977486596321312768_o
gallery/80354255_162907731730901_2533098915780100096_n

23/12/2019

 

Today, the South African legends museum had the honour to visit the legendary renowned South African actress of stage and screen- Anne Power.

 

We are very proud to announce that Anne Power will be inducted as a legend in the museum.

gallery/80334748_163015828386758_1976204462519222272_o
gallery/79888947_163015795053428_7508433389888733184_o

23/12/2019

 

Die laaste legende wat ons vandag besoek het is die befaamde liedjieskrywer, André Viljoen- iemand wat agter die skerms diep spore in die Suid-Afrikaanse musiekbedryf getrap het.

 

Ons is baie trots om aan te kondig dat André Viljoen ook ingehuldig gaan word in die Suid Afrikaanse Legendes Museum.

gallery/80255779_163059648382376_4113019012323999744_o
gallery/81269811_163059715049036_7332901860367400960_o

03/01/2020

 

Die Suid-Afrikaanse legendes museum is baie trots om aan te kondig dat die legendariese Suid-Afrikaanse aktrise, Shaleen Surtie-Richards ingehuldig gaan word in die museum.

 

Ons het vandag die voorreg gehad om aan huis by haar te kon kuier.

gallery/82234869_166513414703666_1212184605818355712_o
gallery/81584908_166513328037008_5356359220713226240_n

06/01/2020

 

Die Riversdaller Christiaan J de Swardt, beter bekend as CJ die Loslit DJ, vier vanjaar veertig jaar in die joernalistiek.

 

Gepas word hy vanjaar vereer met die onthulling van sy borsbeeld en inhuldiging as lewende legende by die Suid-Afrikaanse Legendesmuseum in Pretoria.

gallery/81367068_167229014632106_6196956965617270784_o
gallery/81705425_167207521300922_854397912912756736_n